توێژینەوەیەکی ڕاپرسی
دەربارەی:
بارودۆخی لایەنەکانی ژیانی خەڵك لە هەرێمی کوردستان لە ژێر کاریگەری ڤایرۆسی کۆڕۆنا
سەرەتا:
هەروەكو ئاشكرايە پەيدابوونى ئەم ڤایرۆسە( Coved -19) ناسراو بە كۆڕۆنا، ژيان وگوزەرانى تەواوى خەڵكى جيهانى ئاوەژۆ كرد، لەبەر ئەوەى هيچ كەسَێك لە جيهان پێشبينى ئەوەى نەدەكرد ڤايرۆسێكى لەم شَێوەيە پەيدا ببێت بە بێ ئەوەى زوو ڤاكسينى بۆ بدۆزرێتەوە و لە ماوەيەكى كەم هەموو ووڵاتان بتەنێتەوە، هەروەها بە هۆى ئەم ڤايرۆسە هەموو چاڵاكيەكانى ئابوورى و سياسی و کۆمەڵایەتی و بازرگانی ….هتد، جيهان ِڕاوةستێنرا، هەموو دانيشتوانى جيهان رِوويان لە ماڵەکانیان كردوو خۆيان كەرەنتين كرد لە ترسي گیانی خۆیان.
ئەم خۆ کەرەنتینە لە ڕووە ئیجابیەکەی بريتى يە لە خۆ دوورخستنەوە لە تووش بوون بە ڤايرۆسەكە و لەلایەکی تر خەڵکانی تر بە ڤایرۆسەکە، و پێش لە بڵاوبوونەوەی بگرێت، بەڵام هەروەکو ئاشکرایە مرۆڤ بوونەوەرێکی کۆمەڵایەتیە و سروشتى مرۆڤ وایە لەسەر دەمی ئێستا دا بەستراوەتەوە بە کۆمەڵیك چاڵاکی جۆراو جۆری ڕۆژانە بە تایبەت چاڵاکی ئابووری و کۆمەڵایەتی یەکان، کە ژیانی پێوە بەستراوەتەوە، ئێمە وەکو کۆمپانیای (Soco – بۆ خزمەتگوزاری کۆمەلایەتی و پەروەردەیی مەدەنی و هەلی کار) لەم ڕەهەندەوە ئەم ڕاپرسیەمان ڕاگەیاندووە تەنها بۆ پارێزگای هەولێر بۆ ئەوەی ڕاوبۆچوون سەرنجی خەڵك بزانین دەربارەی ژیان و گوزەران و داهاتوویان چۆن و بەرەو کوێ؟
جیا لە شارەکانی تر! چونکە پێمان وایە هەر شارەو تایبەتمەندی خۆی هەیە لە رووی بیرکردنەوە و پێشبینیەکان.

بارودۆخی لایەنەکانی ژیانی خەڵك لە هەرێمی کوردستان:
دیارە هەرێمی کوردستان وەکو هەرکیانێکی سیاسی و کۆمەڵایەتی تری جیهان وابەستەیە بە جیهانی ئەمڕۆکە، هەر لە ڕێگای بازرگانی و سیاسی و سەربازی و ئابووری و کۆمەڵایەتی تا تەواوی لایەنەکانی تر، دوای ئەوەی مەترسیەکانی بڵاوبوونەوەی ڤایرۆسی کۆڕۆنا گەیشتە ووڵاتانی دەورووبەر بەتایبەت ووڵاتی ئێران کە زۆرترین حالەتەکانی تووش بوون و مردن لەوێ تۆمارکرا، حکومەتی هەرێمی کوردستانیش بڕیاری کەرەنتیکردنی شارەکانی ڕاگەیاند لە 13/3/2020 کە تا ئێستاش بەردەوامی هەیە،

بەڵام ئەم کەرەنتینەیە کەوا خۆی لە مانگێك زیاتر دەدات خەڵك ناتوانن هیچ چاڵاکیەکی ئابووری وکۆمەڵایەتی و هاتوچۆ ئەنجام بدەن بێگومان ئەم بارودۆخەش کاریگەری خۆی دەبێت لەسەر تاك و خێزانەکان، ئێمە لەڕێگەی ئەم ڕاپرسیە ویستمان بارودۆخی لایەنەکانی ژیانی خەڵك نیشان بدەین هەروەکو هەیە لە شێوەی بیرکردنەوەیان و تێگەیشتنیان لە بارودۆخەکە و سیناریۆکانی پێشبینی کراو لە ڤایرۆسی کۆرۆنا، بۆیە بەباشمان زانی هەڕەمەکی نەبێت، بەڵکو بە پلەی یەکەم کەسانی پسپۆڕ لە بواری کۆمەڵایەتی و دەروونی واتا توێژەران فۆڕمەکانمان پڕ بکەنەوە ئینجا دوای ئەوان خەڵکانی نوخبە لە سیاسی و هونەری و ئابووری و ڕۆشنبیران لە شاری هەولێر، چونکە هەروەکو باسمان کرد توێژینەوەکەمان تەنها بۆ پارێزگای هەولێر ئەنجام داوە.

ژمارەی بەشداربووان و جۆری (عەیینە)کان:
ئێمە لەم ڕاپرسیە هەوڵمانداوە توێژەرانی کۆمەڵایەتی و دەرونی و ڕۆژنامەنووسان و کەسانی ڕۆشنبیر بخەینە نێو عەیینەکانمان، بە واتا عەیینەکانمان هەڕەمەکی نەبووە بەڵكو قەسدی بووە بۆ ئەوەی لە ڕوانگەی کەسانی ڕۆشنبیر بارودۆخەکە هەڵبسەنگێنین.

سەبارەت بە ژمارەی فۆڕمەکان ئێمە هەوڵمانداوە ژمارەی فۆڕمەکان لە 200 فۆڕم کەمتر نەبێت و بە لەبەرچاوگرتنی باڵانسی جێندەری، بەڵام 213 فۆڕم پڕکرایەوە.

لێرەدا حەز دەکەین تەواوی زانیاریەکانی ڕاپرسیەکە وەکو خۆی لە شێوەی وێنە و شیکردنەوەی داتایی بخەینەڕوو بەم شێوەی خوارەوە:

1- سەبارەت بە ڕەگەز
– نێر = 46.9 ٪
– مێ = 53.1 ٪
2- باری کۆمەڵایەتی بەشداربووان
– خیزاندار = 65.7 ٪
– سەڵت = 32.4 ٪
– جیابووەوە = 1.9 ٪
3- ترس لە بڵاوبوونەوەی ڤایرۆسی کۆڕۆنا
– ترسی زۆرم هەیە = 14.6 ٪
– تا ڕادەیەك ترسم هەیە = 66.2 ٪
– ترسم نیە = 13.1 ٪
– بە هیچ شێوەیەك ترسم نیە = 6.1 ٪
4- ئایا خەڵك پێی وایە زیادەڕۆیی کرابێت لە مەترسیەکانی کۆڕۆنا؟
– تەواو هاوڕام = 37.6 ٪
– هاوڕا نیم = 26.3 ٪
– نازانم = 19.2 ٪
– دژم = 11.3 ٪
– تەواو دژم = 5.6 ٪
5- سیناریۆکانی پێشبینی دەکرێت لە ڤایرۆسی کۆڕۆنا
– بارودۆخەکە خراپتر دەبێت = 23.9 ٪
– بارودۆخەکە هەروەکو ئێستا دەمینێتەوە = 12.2 ٪
– گەشبینم چونکە هەست دەکەم بارودۆخە زەحمەتەکە تێپەربووە = 46 ٪
– نازانم = 17.8 ٪
6- ڕۆلی دامودەزگای پۆلیس و ئاسایش
– زۆرباش = 54 ٪
– باش= 33.8 ٪
– مام ناوەند = 8.9 ٪
– خراپ = 2.3 ٪
– زۆر خراپ = 1 ٪
7- ڕۆڵی دامودەزگاکانی حکومەت (وەزارەتەکان) بۆ ڕواندنەوەی دڵە راوکێ
– زۆرباش = 14.1 ٪
– باش= 34.7 ٪
– مام ناوەند = 30.5 ٪
– خراپ = 13.1 ٪
– زۆر خراپ = 7.6 ٪
8- ڕۆلی وەزارەتی تەندروستی بۆ چارەسەرکردنی
– زۆرباش = 32.4 ٪
– باش= 40.4 ٪
– نە باش و نە خراپ = 18.3 ٪
– خراپ = 4.5 ٪
– زۆر خراپ = 4.4 ٪
9- چۆنیەتی وەرگرتنی هەواڵ و پێشهاتەکان
– سۆشیال میدیا = 49.8 ٪
– کەناڵە کوردیەکان = 29.1 ٪
– کەناڵە عەرەبی و بیانیەکان = 11.7 ٪
– هاوڕێ و کەسوکار = 4 ٪
– کەسێکی دیاریکراو لە (حزب – حکومەت – دەزگای ڕاگەیاندن) = 5.4 ٪
10- ئایا بۆچوونی بەشداربووان چۆن بوو دەربارەی هاوئاهەنگی لەگەڵ حکومەتی ناوەند
– پاڵپشتم زۆر = 50.7 ٪
– تا ڕادەیەك پاڵپشتم = 30 ٪
– پاڵپشت نیم = 10.8 ٪
– نازانم = 8.5 ٪
11- ئەم بارودۆخە چ کاریگەری خراپی خستۆتە سەر ئابووری خێزان
– کاریگەرییەکی زۆر خراپ = 27.2 ٪
– کاریگەرییەکی مام ناوەندی هەبووە = 44.6 ٪
– کاریگەرییەکی کەمی هەبووە = 17.8 ٪
– کاریگەری نەبووە = 10.3 ٪
12- ڕۆلی سۆشیال میدیا بەتایبەت فەیسبووك لەسەر دەروونی خەڵك
– پۆزەتیڤ بووە = 27.2 ٪
– نێگەتیڤ بووە = 48.8 ٪
– نازانم = 15.5 ٪
– کاریگەری نەبووە = 8.5 ٪
13- ڕۆڵی دەزگاکانی کوردی لەسەر دەروونی خەڵك
– پۆزەتیڤ بووە = 33.8 ٪
– نێگەتیڤ بووە = 43.2 ٪
– نازانم = 13.6 ٪
– کاریگەری نەبووە = 9.4 ٪

کۆتایی:
لە کۆتاییدا هیوادارین لایەنە ئیجابییەکانی خەڵك بەرزتر بکرێتەوە لەلایەن حکومەت و دامو دەزگاکانی ڕێکخراوەکانی کۆمەڵگەی مەدەنی و کەسانی ڕۆشنبیری نێو کۆمەڵگا، هەروەها لایەنە سلبیەکانیش هەوڵی چارەسەر کردنی بدرێت بەتایەت لەلایەن حکومەت، بۆ ئەوەی بتوانین بە هەموو لایەك ئەم دۆخە تێبپەڕێنین بە کەمترین زەرەرو زیانی گیانی، دووبارە هەموو لایەك بەیەکتر شاد ببینەوە لە شوێنی کارکردن و دەوام و کەس و کارەکانمان، هەروەها بە پێویستی دەزانم سوپاسی بەڕێز(نزار جمیل) بکەم بۆ یارمەتیدانمان بۆ ئەنجام گەیاندنی ئەم ڕاپرسیە.
لەگەڵ ڕێزی بێ پایانمان بۆ هەموو لایەك

بەڕێوەبەری کۆمپانیای SOCO
ئومێد أنوەر
10/04/2020